1 Bilini kuçmadadur ol sanemün derd ü belâ / Yogsa 'âşıklara şîrîn lebi hâzır helvâ
2 Ser-i zülfiyle hatın örter imiş dirler o şûh / Açmadı kimseye ammâ orayı bâd-ı sabâ
3 Âteş urmış yüzi gül hırmenine ol mâhun / Devr-i sâgarda ruhi 'aksini kılmış peydâ
4 Kızarup ruhları gül-gûne-i tâb-ı mülden / Şu'le-i sâgar-ı mey destine yakmış hınnâ
5 Meclis-i meyde leb-i yâre tolaşur dirler / Elüme girmeye mi bir dahı câm-ı sahbâ
6 Öykünürdi lebüne câm-ı mey ammâ dönmiş / Bu gün almışlar ele bir yire gelmiş zürefâ
7 Lûle-i hâme ile çeşme-i dilden Bâkî / Eyledi kâ'ide-i Âb-ı hayâtı icrâ
009 - Bilini kuçmadadur ol sanemün derd ü belâ
- Ayrıntılar
- Üst Kategori: Bâkî
- Kategori: Gazeller
- Görüntüleme: 89
- Vezin: Fe'ilâtün Fe'ilâtün Fe'ilâtün Fe'ilün