1 Bana çok cevr itdügün'çün ey sipihr-i bî-vefâ / Âhumun dûd-ı kebûdı uydı ulaşdı sana
2 Eşkümün gevherlerin dizdüm işigi taşına / Yâre 'arz idem diyü silmiş rakîb-i bed-likâ
3 Gömgök itdi sille-i âhum sipihrün sûretin / Gök yüzine bak inanmazsan eger ey meh-likâ
4 Gözüme 'âlem görinmez görmesem ruhsârunı / 'Ârızun mir'âtıdur Âyîne-i âlem-nümâ
5 'Aks-i hâl-i 'ârızından sâkî-i gül-çihrenün / Lâle-i sîr-âb olur câm-ı şarâb-ı dil-güşâ
6 Ruhlarun vasfında Bâkî bir gazel nazm itdi kim / Ehl-i diller kodılar adını mir'âtü's-safâ
015 - Bana çok cevr itdügün'çün ey sipihr-i bî-vefâ
- Ayrıntılar
- Üst Kategori: Bâkî
- Kategori: Gazeller
- Görüntüleme: 94
- Vezin: Fâ'ilâtün Fâ'ilâtün Fâ'ilâtün Fâ'ilün