020 - Şöyle olmış câm-ı 'aşk-ı yârdan mest ü harâb

1    Şöyle olmış câm-ı 'aşk-ı yârdan mest ü harâb / Kendüsin dîvârdan dîvâra urmış âfitâb
2    Nâfe kıldı zülf-i müşgînün görüp ser-ber-zemîn / Ayagun topragına miskînlik itdi müşg-i nâb
3    Tokınupdur bâde-i gül-gûna çeşm-i rûzgâr / Sâgar üzre sanmanuz peydâ olur yir yir habâb
4    Sahne-i devrân n'ola çekse çevürse dem-be-dem / İki kanludur anılmış bâde-i nâb u kebâb
5    Derd-i 'aşkun 'âşık-ı miskîni âhır öldürür / Mestlik pâyâne yitse irişür elbette hvâb
6    Bâkîye senden ferâgat virdi ey gerdûn-ı dûn / Südde-i devlet-me'âb-ı pâdişâh-ı kâm-yâb