023 - Lâle-hadler kıldılar gül-geşt-i sahrâ semt semt

1    Lâle-hadler kıldılar gül-geşt-i sahrâ semt semt / Bâg u râgı gezdiler idüp temâşâ semt semt
2    'Âşık-ı dîdâr-ı pâkündür meger kim cûylar / Cüst ü cû eyler seni ey serv-i bâlâ semt semt
3    Leşger-i gam geldi dil şehrine kondı cavk cavk / Kopdı yir yir fitne vü âşûb u gavgâ semt semt
4    Giryeden cûy-ı şirişküm sû-be-sû oldı revân / Yine Kulzüm gibi cûş itdi bu deryâ semt semt
5    Bir kadem bas lutf ile gel gül-şene ey serv-kad / Bileler eksükligin her serv-i bâlâ semt semt
6    Şi'r-i Bâkî seb'a-i iklîme oldukça revân / Okınursa yiridür bu nazm-ı garrâ semt semt