029 - Gözüm yaşına ol la'l-i leb-i sîr-âb olur bâ'is

1    Gözüm yaşına ol la'l-i leb-i sîr-âb olur bâ'is / Dem-â-dem kana ey sâkî şarâb-ı nâb olur bâ'is
2    Semâ'a girse n'ola câm-ı meyden zâhid-i hüşyâr / Ki raks-ı zerreye hurşîd-i 'âlem-tâb olur bâ'is
3    Sürâhi nâlesin artursa n'ola câm-ı sahbâdan / Figân-ı 'andelîbe çün gül-i sîr-âb olur bâ'is
4    Firâk-ı dürr-i dendânunla cârî gözlerüm yaşı / Bu bahr-i bî-kerâna ol dür-i nâ-yâb olur bâ'is
5    Vücûdum hânesin seyle virür Bâkî gözüm yaşı / Fenâ-yı dâr-ı bî-bünyâduma bu âb olur bâ'is