1 Feryâduma irmezse n'ola ol boyı şimşâd / Kûyında feleklerden aşar nâle vü feryâd
2 Devründe güle niçün olur bende benefşe / Üstine kılıçlar mı tutar sûsen-i âzâd
3 Bir gonca benefşe koparup tâcına sokmış / Taglarda külüng atdugı dem başına Ferhâd
4 Eşkâl-i vefâ resmi kabûl itmede kalbün / Âyînedür ammâ begüm âyîne-i pûlâd
5 'Ahdünde eger 'âleme bir dahı gelürse / Kullıklar ider sen yüzi hûrşîde Ferahşâd
6 İbrâmı gel ey sâkî-i gül-çihre ko sen de / Almışdur olan 'aklumuz ol şûh-ı perî-zâd
7 Rengîn ider evsâf-ı ruhun hâme-i Bâkî / Ol sûreti virmez sanemâ nakşına Bih-zâd
035 - Feryâduma irmezse n'ola ol boyı şimşâd
- Ayrıntılar
- Üst Kategori: Bâkî
- Kategori: Gazeller
- Görüntüleme: 180
- Vezin: Mef'ûlü Mefâ'îlü Mefâ'îlü Fa'ûlün