050 - Ruhun âteş hat u hâlün bahûr-ı misk ü 'anberdür

1    Ruhun âteş hat u hâlün bahûr-ı misk ü 'anberdür / Ham-ı zülf-i siyâhun halka halka dûd-ı micmerdür
2    Benüm dûd-ı kebûd-ı nâr-ı âhum başdan aşmışdur / Senün zülf-i siyâhun ayagunla baş ber-â-berdür
3    Düşüp ol kadd-i bâlâdan döşenmiş hâk-i râh üzre / Mu'anber zülfi gûyâ sâye-i serv ü sanavberdür
4    Gönül tîg-ı müjenden yüz çevürmez ey gözi âhû / O bir şemşîr-i bürrâna varur şîr-i dil-âverdür
5    Zer-i hâlis gibi rengîn olup gitmekde eş'ârun / Elünde hâme ey Bâkî meger kibrît-i ahmerdür