1 Cür'a-dân abdâla gerçi mahzenü'l-esrârdur / Rind-i dürd-âşâma sâgar matla'u'l-envârdur
2 Gül-sitân-ı bezme sâgar gonca-i sîr-âb ise / Âteşîn ruhsârı sâkînün de bir gül-nârdur
3 Her gedâ-tab' anlamaz âyîn-i Cemdür bezm-i mey / Bunda bir şâhâne tavr u özge 'âlem vardur
4 Dâm-ı âgûş içre düşmez ol tezerv-i hoş-hırâm / Dâne-i eşküm egerçi lü'lû-yı şeh-vârdur
5 'Aşk ile kaddün büküp Zü'n-Nûn-ı vakt olsan yine / Kâm-rân ol kimsedür kim Mâlik-i Dînârdur
6 Mihr-i 'âlem-tâb olupdur ol büt-i meh-veş bu gün / Ana nisbet mâh-ı enver sûret-i dîvârdur
7 Ol sanemden Bâkıyâ bir bûse da'vâ kıl yüri / Söylemezse öp hemân agzın sükût ikrârdur
058 - Cür'a-dân abdâla gerçi mahzenü'l-esrârdur
- Ayrıntılar
- Üst Kategori: Bâkî
- Kategori: Gazeller
- Görüntüleme: 84
- Vezin: Fâ'ilatün Fâ'ilâtün Fâ'ilâtün Fâ'ilün