1 'Ârızun hûrşîd-i 'âlem-tâb mâhiyyetlüdür / Anun içün hüsnünün bâzârı germiyyetlüdür
2 Câme-i dîbâ ile hûrşîd zîbâlanmasun / Şimdi andan hil'at-i hüsnün senün şöhretlüdür
3 Sen tarâvet bâgınun bir gonca-i handânısın / Jâle düşmiş tâze gül bir aglamış sûretlüdür
4 Hançer-i cânân ecel câmına turmaz su katar / Yolına cân virmek anun şol kadar lezzetlüdür
5 Yenmez âb-ı çeşme-i çeşmüm dökinse lezzetin / Şehd-i şîrîn-i mahabbet şol kadar kuvvetlüdür
6 Gerçi kim ol gamzeler nâzük geçerler nâzda / Lîkin anlardan hilâl ebrûlarun dikkatlüdür
7 Kîmyâdur Bâkıyâ hâk-i cenâb-ı mey-fürûş / Âsitânı hidmetinden kaçma bir devletlüdür
060 - 'Ârızun hûrşîd-i 'âlem-tâb mâhiyyetlüdür
- Ayrıntılar
- Üst Kategori: Bâkî
- Kategori: Gazeller
- Görüntüleme: 85
- Vezin: Fâ'ilâtün Fâ'ilâtün Fâ'ilâtün Fâ'ilün