063 - Ne câm-ı bâde-i gül-gûna benzer yâr-i hem-dem var

1    Ne câm-ı bâde-i gül-gûna benzer yâr-i hem-dem var / Ne sadr-ı suffâ-i mey-hâne gibi cây-ı hurrem var
2    Beni 'ayb eylemen dâ'im olursam mest-i lâ-ya'kil / Ki bî-hûş olmasam âsûde kılmaz bende bir gam var
3    Gam-ı hicrânda hâlet var dimişler ehl-i derd ammâ / Mülâyim dil-ber-i şûhun dem-i vaslında 'âlem var
4    Ruhun bâgın rakîb-i dîv-sîret seyr ider her gün / Yüzüni göremez yıllarca ammâ bunda âdem var
5    Safâ-yı hâlet-i tab'un yiter eglence ey Bâkî / Bi-hamdi'llâh ne gam yirsin elünde sâgar-ı Cem var