069 - Âb-ı hayât-ı la'lüne ser-çeşme-i cân teşnedür

1    Âb-ı hayât-ı la'lüne ser-çeşme-i cân teşnedür / Sun cür'a-i câm-ı lebün kim âb-ı hayvân teşnedür
2    Cân la'lin eyler ârzû yâr içmek ister kanumı / Yâ Rab ne vâdîdür bu kim cân teşne cânân teşnedür
3    Âb-ı zülâl-i vasluna muhtâc tenhâ dil degül / Hâk üzre kalmış huşk-leb deryâ-yı 'Ummân teşnedür
4    Bezm-i gamında cân u dil yandı yakıldı sâkıyâ / Depret elün sür ayagı meclisde yârân teşnedür
5    Cânâ zülâl-i vaslunı agyâr umar 'uşşâk umar / Âb-ı sehâb-ı rahmete kâfir müselmân teşnedür
6    Giryân o Leylî-veş n'ola sahrâya salsa Bâkîyi / Mecnûnun âb-ı çeşmine hâk-i beyâbân teşnedür