095 - 'Aks-i 'izârun dîdede berg-i gül-i ter kendidür

1    'Aks-i 'izârun dîdede berg-i gül-i ter kendidür / La'lün hayâli sînede rûh-ı musavver kendidür
2    Şâm-ı gamunda sâkin-i zulmet-sarây-ı mihnete / Câm-ı sabûhî subh-dem hûrşîd-i enver kendidür
3    İbrîk-i zerden sâkıyâ la'l-i müzâbı kıl revân / Altun olur işün hemân kibrît-i ahmer kendidür
4    Hûbân-ı şehrün hoş-teri şîrîn ü nâzük her yiri / Hvân-ı visâle sükkerî pâlûde-i ter kendidür
5    Bî-derd iken dil gûyiyâ bir migfer-i pûlâd idi / Şimdi hadeng-i cevr ile tâc-ı Kalender kendidür
6    Geh bî-dil ü bî-hûş ider geh mest ü geh medhûş ider / 'Ayyâre-i gamzen gamı dârû-yı hûş-ber kendidür
7    Kahr-ı zamânun zehrini def' itmez ey Bâkî devâ / İllâ şarâb-ı dil-gûşâ tiryâk-i ekber kendidür