109 - Bir ân içinde gamzen okı nice kan ider

1    Bir ân içinde gamzen okı nice kan ider / Dil cân evinde saklayup anı nihân ider
2    Küh-sâr-ı gamda göz yaşı hecrünle dem-be-dem / Hâşâk u hârı şâh-ı gül ü ergavân ider
3    Hüsnün hayâli vaslun ümîdiyle 'âşıka / Nâr-ı cahîmi gül-şen-i bâg-ı cinân ider
4    Sanman gönülde saklana râz-ı mahabbeti / Âsâr-ı mihr gün gibi kendin 'ayân ider
5    Sen urdugunca tîrüni sînemden özgeye / Ta'n-ı hasûd derd ile kaddüm kemân ider
6    Râh-ı vefâda yitüre diyü gamun beni / Hûn-âb-ı dîde yollara yir yir nişân ider
7    Vaslına cân dilerse dirîg itme Bâkıyâ / Zinhâr gâfil olma seni imtihân ider