1 Rindler câmun habâb-âsâ yüzine bakdılar / Mey gibi sâkî-i bezmün ayagına akdılar
2 Keştî-i sahbâ keş-â-keşden halâs olmaz dahı / Tutdılar kanlu gibi muhkem resenler takdılar
3 Raht u bahtın zevrakun hışm âteşine yakmaga / Vardılar gammâzlar şâh-ı cihâna çakdılar
4 Bir iki mismârına var ise göz dikdün diyü / Başına gammâzun erbâb-ı zarâfet kakdılar
5 Bâkıyâ kılsun mu'attar bezm-i âfâkı nesîm / Pâdişâhun micmer-i 'adlinde sandal yakdılar
117 - Rindler câmun habâb-âsâ yüzine bakdılar
- Ayrıntılar
- Üst Kategori: Bâkî
- Kategori: Gazeller
- Görüntüleme: 67
- Vezin: Fâ'ilâtün Fâ'ilâtün Fâ'ilâtün Fâ'ilün