122 - Mir'ât-ı gülde hüsn-i dil-efrûz-ı yâri gör

1    Mir'ât-ı gülde hüsn-i dil-efrûz-ı yâri gör / Ruhsâre-i hakîkate âyîne-dârı gör
2    Her nakş u her nigâr ki kılsan müşâhade / Eltâf-ı sun'-ı Hâlik-i Perverdigârı gör
3    Dil-beste olma terligine tâze goncanun / Ol pîrehende cilve kılan gül-'izârı gör
4    Hâmûş yatma bister-i gafletde subh-dem / Gel merg-zâra gulgule-i mürg-i zârı gör
5    Dîvânelik zamânıdur âvâre gönlini / Zencîrlerle zabt idemez cûy-bârı gör
6    Dâg-ı derûn-ı sîne nice tâzelenmesün / Gül hırmenine âteş uran nev-bahârı gör
7    Bak sâgar-ı şikeste-i pür-hûn-ı lâleye / Cemşîdden nişâne kalan yâd-igârı gör
8    Bâkî nesîm gibi sebük-hîz olup seher / Gaflet gözini hvâb-ı girândan uyarı gör
9    Seyr ü safa-yı bâg u gülistân ise garaz / Gül-zâr-ı hüsn-i pâdişeh-i kâm-kârı gör
10    Âsûde zıll-ı râyet-i 'adlinde kâ'inât /  Kevn ü mekâna sâye salan şâh-sârı gör