124 - Halka halka zülf kim ol hatt u hâl üstindedür

1    Halka halka zülf kim ol hatt u hâl üstindedür / Şekl-i tugrâdur misâl-i bî-misâl üstindedür
2    'Ârız-ı gül-gûnun üzre hâl-i fettânun senün / Fitneden hâlî degül her lahza âl üstindedür
3    Sâ'id-i sâkî ile câm-ı mey-i gül-gûna bak / Bir gül-i sîr-âbdur gûyâ nihâl üstindedür
4    Nakş-ı hadd-i lâle-reng ol 'ârız-ı pâkîzede / Berg-i güldür güyiyâ âb-ı zülâl üstindedür
5    'Âşık-ı bî-çâreler bâr-ı belân altındadur / Derd-mend üftâdeler görsen ne hâl üstindedür
6    Mîmdür gûya dehânun safha-i mâh üzredür / Sîne benzer şâne-i zülfün ki sâl üstindedür
7    Rûy-ı bahtı bedr olur bürc-i şerefde 'âkıbet / Her ki mâh-ı nev gibi kesb-i kemâl üstindedür
8    Çarh yüz döndürmedin gül-şende 'ayş it Bâkıyâ / Sebzeler zîbâ hevâlar i'tidâl üstindedür