128 - Ruhun 'aksiyle sahn-ı dîde bâg u gül-sitânumdur

1    Ruhun 'aksiyle sahn-ı dîde bâg u gül-sitânumdur / Nihâl-i ser-bülendün haylîden hâtır-nişânumdur
2    Gönül inler gamundan dem-be-dem rûh-ı revân aglar / Bu bâgun çeşme-sârı hep benüm eşk-i revânumdur
3    Temâşâ-yı gül ü gül-şende ârâm eylemez cânum / Ser-i kûyında cânânun garaz ârâm-ı cânumdur
4    Şirâr-ı nâr-ı âhumla sipihrün tâs-ı pûlâdı / Döner her şeb belâ bezminde câm-ı zer-nişânumdur
5    Yaşum deryâdur ey Bâkî içinde şâh-ı mercânı / Hayâl-i nahl-i bâlâ-yı nihâl-i ergavânumdur