130 - İrdi nesîm-i ma'delet-i Kisrî-i bahâr

1    İrdi nesîm-i ma'delet-i Kisrî-i bahâr / Zencîr-i 'adl çekdi çemen-zâra cûy-bâr
2    Sildi gubâr-ı gussayı dilden nesîm-i subh / İrdi yitişdi himmet-i merdân-ı rûzgâr
3    Güller siperler ile üleşdi fîloriyi / Mülk-i şitâyı gâret idüp leşger-i bahâr
4    Eflâk devr-i dâ'im ile turmayup sular / Neşv ü nemâda tâze vü ter sahn-ı sebze-zâr
5    Meydâna girdi şevk ile şemşîr-bâz-ı berk / Çok akçe şaçdı üstine ebr-i güher-nisâr
6    Bir kîse içre lâle bu gün bezm-i bâğda / Gayb itdi jâle beyzaların hokka-bâz-vâr
7    Güller safâda hurrem u handân u şâd-mân / Bülbül belâda bencileyin zâr u bî-karâr
8    Arz itdi benzer âyîne-i gülde 'aksini / Rûy-ı 'arûs-ı baht-ı şehenşâh-ı kâm-kâr
9    Bâkî bu şi'ri safha-i çarh-ı berîne yaz / Görsün felekde söz nic'olur hasm-ı nâ-be-kâr