Mefâ'îlün Mefâ'îlün Mefâ'îlün Mefâ'îlün
1 Eser âhum yili kûyunda cism-i nâ-tevân ditrer / Çemen sahnında gûyâ bâddan berg-i hazân ditrer
2 Gönül bir nâzük-endâmun visâli hvânın özler kim / Teni pâlûde-i ter gibi degsen bir zamân ditrer
3 Kamer câmı bu eyvân üzre dâ'im sındugı bu kim / Sadâ-yı tôp-ı âhumdan zemîn ü âsmân ditrer
4 Şu mâhî gibi kim hâk üzre düşmiş sudan ayrılmış / Zülâl-i tîg-i dil-berden cüdâ cismünde cân ditrer
5 Mey-i dûşîneden Bâkî yine mahmûra benzersin / Elünde turmayup câm-ı şarâb-ı ergavân ditrer
139 - Eser âhum yili kûyunda cism-i nâ-tevân ditrer
- Ayrıntılar
- Üst Kategori: Bâkî
- Kategori: Gazeller
- Görüntüleme: 115