143 - Gönül bir rind-i 'âlem-sûz şûh-ı şeh-levend ister

1    Gönül bir rind-i 'âlem-sûz şûh-ı şeh-levend ister / Ki 'aşk odına yakmaga dil ü cândan sipend ister
2    Belâ-yı bend-i zülfünden halâs it cân-ı miskîni / Esîr-i mihnet-i 'aşkun ne bend ü ne kemend ister
3    Karâr itmez gönül mürgi bu bâgun degme şâhında / Nihâl-i kadd-i dil-ber gibi bir serv-i bülend ister
4    Mezâkın zehr-i kahr-ı mihnet-i eyyâm telh itmiş / Lebünden 'âşık-ı bî-sabr u dil bir pâre kand ister
5    Murâdı sîneye ol serv-i sîm-endâmı çekmekdür / Semend-i tab'-ı Bâkî bir gümişden sîne-bend ister