152 - Sâkî zamân-ı 'ayş-ı mey-i hoş-güvârdur

1    Sâkî zamân-ı 'ayş-ı mey-i hoş-güvârdur / Bir kaç piyâle nûş idelüm nev-bahârdur
2    Bûy-ı nesîm ü reng-i gül ü revnak-ı bahâr / Âsâr-ı fazl u rahmet-i Perverdigârdur
3    Gâfil geçürme fursatı kim bâg-ı 'âlemün / Gül devri gibi devleti nâ-pây-dârdur
4    Eyyâm-ı zühd ü mevsim-i zerk u riyâ degül / Hengâm-ı 'ayş u 'işret ü geşt ü güzârdur
5    Zâyi' geçürme 'ömri bu dem künc-i gamda kim / Menzil kenâr-ı bâg u leb-i cûy-bârdur
6    Dil zevrakını lücce-i gamdan hevâ-yı 'aşk / Elbette bir kenâra atar rûzgârdur
7    Bâkî nihâl-i ma'rifetün mîve-i teri / 'Ârif katında bir gazel-i âb-dârdur