165 - Gönül Yûsuf gibi çâh-ı zenahdânunda kalmışdur

1    Gönül Yûsuf gibi çâh-ı zenahdânunda kalmışdur / Halâs eyle benüm şâhum ki zindânunda kalmışdur
2    Metâ'-ı vasluna cândan hırîdâr olmak ister dil / Hemân ey hvâce ancak şübhe hicrânunda kalmışdur
3    Begüm merdümlik it kendü ciger-gûşen gibi besle / Yaşum tıfl-ı yetîmündür ki dâmânunda kalmışdur
4    Benüm'çün acıyup aglar görenler zahm-ı şemsîrün / Bana itdüklerün ey hûnî hep yanunda kalmışdur
5    Re'îs-i bahr-i nazm oldun bu gün 'âlemde ey Bâkî / Gazel dimek senün tab'-ı dür-efşânunda kalmışdur