1 Ne sâkîdür lebün gam bezmine yaşum şarâb eyler / Ne âteşdür mahabbet odı kim bagrum kebâb eyler
2 Ne ser-keş servdür kaddün benüm ey nahl-i büstânum / Cemâlün nûrına zülf-i şeb-âsâsın hicâb eyler
3 Na'îm-i vuslat ansam dûzah-ı hecre salar cânum / Bana bî-mûcib ol kaddi kıyâmet çok 'azâb eyler
4 Hisâb olmaz benüm yolında cânlar virdügüm ammâ / Bana bir bûse virse kendü yüz kerre hisâb eyler
5 Yitişgil ölmedin ey cân tabîbi dest-gîr ol kim / Bedenden cân-ı Bâkî turmayuben ıztırâb eyler
167 - Ne sâkîdür lebün gam bezmine yaşum şarâb eyler
- Ayrıntılar
- Üst Kategori: Bâkî
- Kategori: Gazeller
- Görüntüleme: 107
- Vezin: Mefâ'îlün Mefâ'îlün Mefâ'îlün Mefâ'îlün