1 Serv ile kâmetüne kimse dimez hem-serdür / Müntehâ kâmetün andan dahı bâlâ-terdür
2 Gül dirin gülmez açılmaz bana ol gonca-dehen / Gâlibâ hep yüzine gül didügüme terdür
3 Seyr-i deryâya ne hâcet dem-i sahrâ geldi / Gûyiyâ sahn-ı çemen şimdi yem-i ahdardur
4 N'ola gül şevkine çalup çagurursa bülbül / Mutrıbâ ol dahi başka başına mehterdür
5 Şöyle şol kan olacagı bize sunsun Bâkî / Nev-bahâr irdi gedâlar içecek demlerdür
175 - Serv ile kâmetüne kimse dimez hem-serdür
- Ayrıntılar
- Üst Kategori: Bâkî
- Kategori: Gazeller
- Görüntüleme: 134
- Vezin: Fe'ilâtün Fe'ilâtün Fe'ilâtün Fe'ilün