1 Nat'-ı zemîne at salıcak fâris-i bahâr / Düşdi şükûfeler hep önine piyâde-vâr
2 Sildi süpürdi sahn-ı çemende gubârı bâd / Yeldi yopurdı turmadı ferrâş-ı rûzgâr
3 Tâvûs-vâr cilveler itmekde bâgda / Gûyâ ki nev-'arûsa dönüpdür şükûfe-zâr
4 'Ayşun zamânı 'işretün eyyâmıdur diyü / 'İşret-geh-i çemende salar ellerin çenâr
5 Sahn-ı çemende servi kenâr eylesem diyü / Dökilmede saçılmada etrâfa cûy-bâr
6 Sen hâr ile salınmada gül-zâr-ı dehrde / Ben zâr olam revâ mıdur ey serv-i gül-'izâr
7 Bâkî bu demde seyr-i gül-istân idenlerün / Ayagına çemen zer ü gevher ider nisâr
180 - Nat'-ı zemîne at salıcak fâris-i bahâr
- Ayrıntılar
- Üst Kategori: Bâkî
- Kategori: Gazeller
- Görüntüleme: 106
- Vezin: Mef'ûlü Fâ'ilâtü Mefâ'îlü Fâ'ilün