1 Lebünle çeşmüne 'âlem bizi dil-dâdedür dirler / Su sorsak pür-humâr ancak su içsek bâdedür dirler
2 Nihâl-i serv-i bâlânun görenler 'aksini suda / Ayagun öpmege düşmiş sana üftâdedür dirler
3 Sözüm vasf-ı leb-i la'lünle hem rengîn ü hem şîrîn / 'Adûlar nükteyi fehm eylemezler sâdedür dirler
4 Kapunda hâk-i râh olmak bana va'llâhi rif'atdür / Egerçi kim beni düşkün sanup üftâdedür dirler
5 Ruhun vasfıyla Bâkînün görüp güftâr-ı rengînin / Nazardan düşmesün lutf eyle merdüm-zâdedür dirler
185 - Lebünle çeşmüne 'âlem bizi dil-dâdedür dirler
- Ayrıntılar
- Üst Kategori: Bâkî
- Kategori: Gazeller
- Görüntüleme: 107
- Vezin: Mefâ'îlün Mefâ'îlün Mefâ'îlün Mefâ'îlün