223 - N'ola gelse dil-i mecrûha derd-i dil-rübâdan haz

1    N'ola gelse dil-i mecrûha derd-i dil-rübâdan haz / İder haste ne denlü nâ-ümîd olsa devâdan haz
2    Gam-ı 'aşkun cihân mülkinde buldum şâd-mân oldum / Kişi gurbet diyârında idermiş âşinâdan haz
3    Safâ-yı câm-ı la'lünden ne hâlet kesb ider sōfî / Ki tab'-ı bî-mezâk itmez şarâb-ı dil-güşâdan haz
4    Be-her takdîr olur mâ'il güzeller 'âşık-ı zâra / Tabîb olanlar elbette iderler mübtelâdan haz
5    Çerâg-ı mâh-ı hüsnün karşu tutma çeşm-i agyâra / Gözüm nûri ne denlü eyleye a'mâ ziyâdan haz
6    İlâhî tab'-ı Bâkîden rüsûm-ı gayrı mahv eyle / Ki aslâ kalmaya kalbinde nakş-ı mâ-sivâdan haz