226 - Feryâda geldi bülbül-i destân-serâ-yı bâg

1    Feryâda geldi bülbül-i destân-serâ-yı bâg / Ya'nî zamân-ı 'ayşdur eyler salâ-yı bâg
2    'Ayş u safâya hâtırumuz turmayup çeker / Sünbüller oldı silsile-i müşg-sâ-yı bâg
3    Gerd-i kederden âyine-i kalbi sâf u pâk / Gûyâ derûn-ı ehl-i safâdur fezâyı bâg
4    Saçıldı sahn-ı sebzeye nesrîn varakları / Sakf-ı sipihre benzedi ferş-i sarây-ı bâg
5    Bâkî zamân-ı 'işret ü hengâm-ı 'ayşdur / Virmek gerek ne hâlet ise muktezâ-yı bâg