1 Degme nahcîrin şikâr itmez bu deştün şîr-i 'aşk / Şîr-merdân-ı dil-âverdür yine nahcîr-i 'aşk
2 Nâr-ı mihnet nerm ider 'âşık mülâyim-tab' olur / âhen-i pûlâd ise altun ider iksîr-i'aşk
3 Husrevane penc nevbet çaldı heft iklîmde / Nûh kıbâbın yankulandurdı sipihrün mîr-i 'aşk
4 'Aklumı itdi perişân gönlümi kıldı harâb / Vaz'-ı nâ-hemvâr-ı 'âlem kâr-ı bî-tedbîr-i 'aşk
5 Lerze virdi 'âleme saldı zemîne zelzele / Gulgul-i kûs u nefîr-i şît-i 'âlem-gîr-i 'aşk
6 Gerden-i mihre eşi''a takdı altun silsile / Sîm-tenler ideli dîvâne-i zencîr-i 'aşk
8 Zahmumuz hûnı mey-i gül-gûnumuzdur giceler / Bezmümüzde şem'-i rûşen şu'le-i şemşîr-i 'aşk
9 Hânkahdan togru 'azm itse n'ola mey-hâneye / Bâkîyi çün böyle irşâd eylemişdür pîr-i 'aşk
236 - Degme nahcîrin şikâr itmez bu deştün şîr-i 'aşk
- Ayrıntılar
- Üst Kategori: Bâkî
- Kategori: Gazeller
- Görüntüleme: 113
- Vezin: Fâ'ilâtün Fâ'ilâtün Fâ'ilâtün Fâ'ilün