244 - Sîne mecrûh-ı gam-ı gurbet ü efgâr-ı firâk

1    Sîne mecrûh-ı gam-ı gurbet ü efgâr-ı firâk / Dil esîr-i elem-i hecr ü giriftâr-ı firâk
2    Dîdeden kanlu yaşum aksa dem-â-dem ne 'aceb / Cigerüm pâreledi hançer-i âzâr-ı firâk
3    Gitdi mülk-i 'ademe kâfile-i sabr u sükûn / Karşu tutdı yolına meş'ale-i nâr-ı firâk
4    Şöyle bî-kıymet olur 'âşık-ı mihnet-zede kim / 'Âkıbet hîçe satar hvâce-i bâzâr-ı firâk
5    Teşne-leb iki gözi âb-ı visâlün gözedür / Pister-i gamda yatur Bâkî-i bîmâr-ı firâk