1 Fitneye âgâz idelden gamze-i câdûlarun / Geh görinür gâh görinmez hilâl ebrûlarun
2 Bakmasa yıllarca Nâhîdün yüzine gam yimez / Ayda bir kez hâl-i ruhsârın gören meh-rûlarun
3 Yüzleri böyle kararmazdı eger ey mâh-rû / Âfitâba tapmayaydı turra-i hindûlarun
4 Hurrem olsa gam degül eşk-i revânum görse yâr / 'Âdeti tefrîh-i ruh itmekdür akar sularun
5 Hurdeler geçmiş-durur dendânun evsâfında kim / Hâme-i Bâkî delüpdür bagrını lü'lûlarun
253 - Fitneye âgâz idelden gamze-i câdûlarun
- Ayrıntılar
- Üst Kategori: Bâkî
- Kategori: Gazeller
- Görüntüleme: 109
- Vezin: Fâ'ilâtün Fâ'ilâtün Fâ'ilâtün Fâ'ilün