256 - Subh-ı vasl-ı yârdur bezm-i şarâb itmek gerek

1    Subh-ı vasl-ı yârdur bezm-i şarâb itmek gerek / Sâgar-ı zerrîni reşk-i âfîtâb itmek gerek
2    Çok direng itmez bize bu şîşe-i pîrûze-reng / Sâkıyâ la'l-i müzâbı sun şitâb itmek gerek
3    Devlet-i dünyâ hayâl-i hvâba benzer nesnedür / Baht-ı bî-dâr isteyenler terk-i hvâb itmek gerek
4    Gün gibi rif'atde olmak isteyen gerdûn-sıfat / Bir mu'allâ bâr-gâha intisâb itmek gerek
5    Bâkıyâ mahsûl-i 'ömri vaktidür şimden girü / Akça döküp dîdeden bir bir hisâb itmek gerek