261 - Bir safâ-bahş kanı câm-ı musaffâdan yig

1    Bir safâ-bahş kanı câm-ı musaffâdan yig / Bir tarab-sâz mı var sâgar-ı sahbâdan yig
2    Kanı bir câm-ı musaffâ gibi sâfî-meşreb / Safha-i sînesi mir'ât-ı mücellâdan yig
3    Câm-ı mey bezmde bir dil-ber-i ra'nâdur kim / Çihre-i nâzüki gül-berg-i mutarrâdan yig
4    Bir nefes hem-dem olup def'-i melâl eyleyecek / Bulmadum dünyede câm-ı mey-i hamrâdan yig
5    Bâkıyâ mey-gedenün ehl-i hârâbat içre / Hidmet-i hâk-i deri devlet-i Dârâdan yig