279 - Reh-i mey-hâneyi kat' itdi tîg-i kahrı sultânun

1    Reh-i mey-hâneyi kat' itdi tîg-i kahrı sultânun / Su gibi arasın kesdi Sıtanbûl u Kalâtânun
2    Miyân-ı âb u âteş oldı cây-ı keştî-i sahbâ / Baturdı rûzgâr âyîn-i 'ayşın bezm-i rindânun
3    Yakan âb üzre âteş sanmanuz keştî-i sahbâyı / Şu'â'-i tîg-i kahrından tutışdı Şeh Süleymânun
4    Hilâl-âsâ fürûzân oldı bahr-i nîl-gûn üzre / Şafakdan dem urur âb-ı şarâb-âlûdı deryânun
5    Semâ'-ı çeng ü nây u devr-i sâgar devleti döndi / Safâsın süre gör ey sōfî-i sâlûs devrânun
6    Şarâb-ı nâbdan humlar tehî hum-hâneler tenhâ / 'Aceb hâlîligin buldı riyâ ehli bu meydânun
7    Şu meclis içre kim dâ'im tokuz peymâne devr eyler / Ne denlü ola ey Bâkî ân-ı 'ayşı insânun