281 - Ey reh-revân-ı 'aşk reh-i râstân tutun

1    Ey reh-revân-ı 'aşk reh-i râstân tutun / Mürşid gerekse dâmen-i pîr-i mugân tutun
2    Ey sâkinân-ı mey-gede tutman gönülde gam / Bezm-i safâda câm-ı mey-i ergavân tutun
3    Bâlâ-yı serde âteş-i âhum duhânını / Şâh-ı mahabbet üstine bir sâye-bân tutun
4    Ey 'âşıkân-ı gam-zede 'ayş u safâyı kon / Kûy-ı belâda her birinüz bir mekân tutun
5    Dünyâ evinde olmayıcak bir huzûr-ı kalb / Fânî cihânı n'eyleyelüm câvidân tutun
6    Bâkî şarâb-ı 'aşk ile rüsvây olup gezer / Anı gerekse yahşi gerekse yaman tutun