001 - Hûrşîd-i ruhun kendüyi kim göstere cânâ

1    Hûrşîd-i ruhun kendüyi kim göstere cânâ / Minnet mi kalur mihr-i ziyâ-güstere cânâ
2    Bir yirde ki pertev sala envâr-ı tecellî / Hâcet mi kalur mihr ü meh-i envere cânâ
3    Haşr ide mi bir yirde senünle beni devrân / Hasret kala mı yogsa dem-i mahşere cânâ
4    Sen seng-dilün şol ki derûnında yir eyler / 'Âlemde hemân sikke kazar mermere cânâ
5    Zer saklamaya gonca-sıfat 'âkil odur kim / Gül gibi olan nakdi koya sâgare cânâ
6    Ben şâh-nazar rind-i cihân ana direm kim / Nergis gibi göz dikmeye sîm ü zere cânâ
7    Tûtî gibi hoş nükteler ögretdi dehânun / Bâkî gibi üstâd-ı suhan-pervere cânâ
8    Redd olmaz o leblerden olan turma du'â kıl / Dârâ-yı cihân Şâh-ı Ferîdün-fere cânâ