1 Hüsn ile sana öykünemez çün gül-i ra'nâ / Hüzn ile bana benzeyemez bülbül-i şeydâ
2 Cân almada nâzüklik ile la'lüne söz yok / Hâlün dahı bir dâne-durur fitnede ammâ
3 Tugrâsı berâtun yazılur ekseri altun / Rûyunda kaşun zerd olur ise n'ola şâhâ
4 Bezm içre sürâhi gibi kan agladugum bu / Sâkî lebüne kan yagı oldı mey-i hamrâ
5 İller yiye şeftâlûsını bâg-ı cemâlün / Ey sîb-zekan Bâkî nice bir diye eyvâ
005 - Hüsn ile sana öykünemez çün gül-i ra'nâ
- Ayrıntılar
- Üst Kategori: Bâkî
- Kategori: Gazeller
- Görüntüleme: 89
- Vezin: Mef'ûlü Mefâ'îlü Mefa'îlü Fa'ûlün