1 Nedür bu handeler bu 'işveler bu nâz u istignâ / Nedür bu cilveler bu şîveler bu kâmet-i bâlâ
2 Nedür bu pîç pîç ü çîn çîn ü ham-be-ham kâkül / Nedür bu turralar bu halka halka zülf-i müşg-âsâ
3 Nedür bu 'ârız u hadd ü nedür bu çeşm ü ebrûlar / Nedür bu hâl-i Hindûlar nedür bu habbetü's-sevdâ
4 Miyânun rişte-i cân mı gümiş âyîne mi sînen / Bünâgûşunla mengûşun gül ile jâledür gûyâ
5 Vefâ ummaz cefâdan yüz çevürmez Bâkî 'âşıkdur / Niyâz itmek ana cânâ yaraşur sana istingâ
006 - Nedür bu handeler bu 'işveler bu nâz u istignâ
- Ayrıntılar
- Üst Kategori: Bâkî
- Kategori: Gazeller
- Görüntüleme: 92
- Vezin: Mefâ'îlün Mefâ'îlün Mefâ'îlün Mefâ'îlün