039 - Kıldı âfâkı münevver tal'at-ı rahşân-ı 'îd

1    Kıldı âfâkı münevver tal'at-ı rahşân-ı 'îd / Halka dîbâlar geyürdi mâh-ı nûr-efşân-ı 'îd
2    Câme-i dîbâ ile tâvûs-ı zerrîn-bâldür / Dil-rübâ kim eyler ol reftâr ile cevlân-ı 'îd
3    Ayagun tozıyla vezn itmez birin ehl-i nazar / Toptolu Yûsuf-likâlarla bu gün mîzân-ı 'îd
4    Salınur her şâh-ı gül nâzük nihâl-i ergavân / Bâg-ı cennetden nişân virdi bahâr-istân-ı 'îd
5    Sâkıyâ rıtl-ı girân eksük gerekmez aradan / Yahşı agırlanmak ister hâsılı mihmân-ı 'îd
6    Şimdi tîg-i cevr ile öldürme kurbân oldugum / 'Îd-ı Edhâ geldüginde idesin kurbân-ı 'îd
7    Âşıka ihsân ise maksûd elünde dôstum / Dest-bûsundur muhassal Bâkîye ihsân-ı 'îd