1 Eylesün la'lini dermân dil-i bimâra meded / Dôstlar işte ben öldüm bana bir çâre meded
2 Zahm-ı sînemden okun pârelerin hep alma / Tursun Allâhı seversen hele bir pâre meded
3 Güher-i câmı yitürdük bizi gam öldüriyor / Sâkıyâ gel bulı vir kanda ise ara meded
4 İhtirâz itmedünüz aldılar elden câmı / Vâkıf itmen sakınun kimseyi esrâra meded
5 Gice tenhâ işigi hâkine yüzler süreyin / Sakınun kimse haber virmesün agyâre meded
6 Mededün kalmadı feryâd u figân eyleyecek / Sana kimden ire ey Bâkî-i bî-çâre meded
040 - Eylesün la'lini dermân dil-i bimâra meded
- Ayrıntılar
- Üst Kategori: Bâkî
- Kategori: Gazeller
- Görüntüleme: 98
- Vezin: Fe'ilâtün Fe'ilâtün Fe'ilâtün Fe'ilün