052 - Nihâl-i kâmetün hakkâ 'aceb nahl-i dil-ârâdur

1    Nihâl-i kâmetün hakkâ 'aceb nahl-i dil-ârâdur / Egerçi kaddün a'lâ kâkülün a'lâdan a'lâdur
2    Çerâg-ı hüsnünün nûrı fürûg-ı şem'-i kâfûrî / Nigâr-ı 'anberîn-gîsû nihâl-i sîm-sîmâdur
3    Beyâz-ı safha-i ruhsârun üzre zülf-i pür-çînün / Misâlin görmemişdür kimse bir tugrâ-yı garrâdur
4    Gedâ-yı bî-ser ü pâyı semend-i nâza çignetme / İnende hüsne magrûr olma sultânum bu dünyâdur
5    Kenâr-ı bahr-i nazma yine dürler dizmiş ey Bâkî / Sütûr-ı defter-i şi'rün meger emvâc-ı deryâdur