053 - Mihr-i ruhunla dilde kimün tâze dâgı var

1    Mihr-i ruhunla dilde kimün tâze dâgı var / Tâb-ı çerâg-ı şems u kamerden ferâgı var
2    Zülfün hamında haddüni hûrşîde virmezin / Şem'i n'ider şu kimse k'anun şeb-çerâgı var
3    Âh itme na'l-i esbi nişânın görüp dilâ / Şâyed kimesne işide yirün kulagı var
4    Lâle çemende başı açuk kıpkızıl deli / Sevdâ-yı hâl-i yâr ile muhtel dimâgı var
5    Câm-ı şarâb-ı nâb gibi dil-rübâ kanı / La'lîn tutagı dür dişi gül-gûn yanagı var
6    Bâkî gözinden eyle hazer sorma leblerin / Zinhâr gâfil olma şarâbun yasagı var