054 - Piyâle husrev-i mülk-i gama tâc-ı Keyânîdür

1    Piyâle husrev-i mülk-i gama tâc-ı Keyânîdür / Hum-ı mey pâdişâh-ı 'aşka genc-i husrevânîdür
2    Dahı Cemşîdi yâd eyler gözinden kan döker meclis / Mey-i gül-gûn sirişki câm çeşm-i hûn-feşânıdur
3    Leb-â-leb câm-ı dil hûn olsa tân mı bezm-i fürkatde / Güzeller 'aşkına nûş itmek içün dôstgânîdür
4    İşigünde beni ey meh bulur bir gün 'adû nâ-geh / Kazâ-yı âsmânîdür belâ-yı nâ-gehânîdür
5    Bahûr-ı micmer-i hüsn ü bahâdur hâl-i ruhsârun / Anun ol halka halka turra-i müşgîn duhânıdur
6    Çerâgı mâh-ı enverden yakar ol 'ârız u gerden / Girîbânun senün bezm-i letâfet şem'-dânıdur
7    Safâ-yı şi'r-i Bâkî bâ'is-i mihr ü mahabbetdür / Bu âb-ı zindegânî ol hayât-ı câvidânîdür