1 Hadden efzûn mihrüm ol nâ-mihribân bilmezlenür / Hep bilür çok sevdügüm ammâ hemân bilmezlenür
2 Âşinâlık virmeyüp bîgâne resmin kullanur / Nâz ider her gördügince bir zamân bilmezlenür
3 İltifât-ı hâl-i dervîşe 'ulüvv-i şân komaz / Hep bilür ahvâli şâh-ı kâm-rân bilmezlenür
4 Gamzesi zahm urdugınca la'li dermân itmede / Gerçi kim dil derdin ol âşûb-ı cân bilmezlenür
5 Nâz u istignâ ile Bâkîye tokınmaz geçer / Râst gelse yolda ol serv-i revân bilmezlenür
073 - Hadden efzûn mihrüm ol nâ-mihribân bilmezlenür
- Ayrıntılar
- Üst Kategori: Bâkî
- Kategori: Gazeller
- Görüntüleme: 83
- Vezin: Fâ'ilâtün Fâ'ilatün Fâ'ilâtün Fâ'ilün