1 Terk-i dünyî-i denî halka tedennî görinür / Çeşm-i 'uşşâka ne dünyî vü ne 'ukbî görinür
2 Sînesin itse kaçan kân-ı ma'ârif 'ârif / Kılsa her harfe nazar bir nice ma'nî görinür
3 Pür-hayâl-i ruh-ı ma'şûka iken dîde-i Kays / Neye kim kılsa nazar sûret-i Leylî görinür
4 Sîne pür-şu'le-i şevk olsa dil-i Mûsî-vâr / Nâr zann eyledügün nûr-ı tecellî görinür
5 'Âlem-i 'ulve urûc it mele'-i a'lâ gör / Kalma şol pâyede kim anda edânî görinür
6 Olamazsın harem-i vaslına mahrem dervîş / Sende mâdâm ki taksîr ü tevânî görinür
7 İdeli hâk-i cenâbun ruh-ı Bâkîde eser / Baksa âyîne-i idrâke tesellî görinür
074 - Terk-i dünyî-i denî halka tedennî görinür
- Ayrıntılar
- Üst Kategori: Bâkî
- Kategori: Gazeller
- Görüntüleme: 81
- Vezin: Fe'ilâtün Fe'ilâtün Fe'ilâtün Fe'ilün