1 Kanumı içmege ol âfet-i cânum özenür / Meyl ider ölmege dil rûh-ı revânum özenür
2 Tıfldur pend-i peder dinlemez ol mâh dahi / Şîr-i mâder yirine içmege kanum özenür
3 Ârzû eyler imiş bâr-ı belâ çekdügümi / Çekeyin bârî çün ol şûh-ı cihânum özenür
4 Pîrlikde bu dü-tâ kaddümi çeng eylemege / Neydügin bilmeyüp ol tâze cevânum özenür
5 Derd u gam kaddümi ham kılsa gönül çekmez elem / Kemer itmek diler ol mûy-miyânum özenür
6 Tîr-i âh-ı seheri çekdügüm ister dil-dâr / Çekeyin n'olsa gerek kaşı kemânum özenür
7 Dimez ol husrev-i hûbân-ı cihân ey Bâkî / La'l-i şîrînüme Ferhâd-ı zamânum özenür
075 - Kanumı içmege ol âfet-i cânum özenür
- Ayrıntılar
- Üst Kategori: Bâkî
- Kategori: Gazeller
- Görüntüleme: 100
- Vezin: Fe'ilâtün Fe'ilâtün Fe'ilâtün Fe'ilün