1 Kûyûn gubârı minnetin ehl-i nazar çeker / Kühl-i cilâ zarûretini bî-basar çeker
2 Nergis çemende gonca-i la'lün safâsına / Taht-ı zümürrüd üzre çıkar câm-ı zer çeker
3 Dil kişverini ol yürüyişler harâb ider / Kaddün nihâli râyet-i feth ü zafer çeker
4 Huşk u ter ile kâni' olan 'ayş u nûşda / Dünyâ gamını pâdişeh-i bahr u ber çeker
5 Seyf-i belâ vü sehm-i kazâya siper gerek / Her kim ki tîg-i fazl u kemân-ı hüner çeker
6 Her kim keşîde tutmaya destin o turradan / Zinhâr gaflet eylemesün çok zarâr çeker
7 Bâkî-i haste-hâtırı dür itme dîdeden / Gamzenden ayru kimsesi yokdur iler çeker
079 - Kûyûn gubârı minnetin ehl-i nazar çeker
- Ayrıntılar
- Üst Kategori: Bâkî
- Kategori: Gazeller
- Görüntüleme: 74
- Vezin: Mef'ûlü Fâ'ilâtü Mefâ'îlü Fâ'ilün