078 - Dîvân ider vakt-i seher nev-rûz-ı sultânî meger

1    Dîvân ider vakt-i seher nev-rûz-ı sultânî meger / Devrân ufukdan gösterür taht-ı zümürrüd tâc-ı zer
2    'Âlem müzeyyen pertev-i hûrşîd-i 'âlem-tâb ile / Nat'-ı ser-â-ser saldılar rûy-ı zemîne ser-be-ser
3    Fasl-ı şitâda beyza-i sîmîn idi gûy-ı zemîn / Aldı kanadı altına sîmürg-i zerrîn-bâl ü per
4    Hvâb-ı 'ademden dîde-i ezhârı bî-dâr eyledi / Tahrîk-i bâd-ı subh-dem âvâze-i mürg-i seher
5    Bâkî nisâr-ı makdem-i sultân-ı 'âlî-şân içün / Destinde şâh-ı gül tutar la'lîn tabak lü'lû-yı ter
6    Sultân Murâd-ı tâc-ver fermân-revâ-yı bahr u ber / Sâhib-kırân-ı dâd-ger şâhenşeh-i 'âlî-nazar
7    Destân-serâ-yı midhati şâh-ı tarabda nagme-sâz / Tâvûs-ı baht u devleti bâm-ı felekde cilve-ger