092 - Tîr-i gam-ı nigâr ile ten yara yaradur

1    Tîr-i gam-ı nigâr ile ten yara yaradur / Şemşîr-i cevr-i yâr ile dil pâre pâredür
2    Öykünse haddüne ne gam ey âfitâb-ı hüsn / Mâh-ı sipihr kemdür o ne yüzi karadur
3    Hâlün hayâli hâtır-ı agyârı kıldı cây / Gûyâ karanu gicede rûşen sitâredür
4    Eş'ârum içre vasf-ı leb-i yâr gûyiyâ / Âb-ı zülâl içinde yatur la'l-pâredür
5    Çeşm-i hakâret ile nazar kılma dôstum / 'Uşşâk-ı haste-hâli de Allâh yaradur
6    Bâkî derûnum âteşinün dûdıdur felek / Mihr-i sipihr âhum odından şirâredür