1 La'lün katında kıymet-i gevher şikest olur / Zülfün yanında revnak-ı 'anber şikest olur
2 Meclisde la'1-i yâre inende ezilmesün / Va'llâhi yogsa kelle-i şekker şikest olur
3 Başlar yitürse meclis-i 'aşkunda gam degül / Bezm-i şarâbda nice sâgar şikest olur
4 Seng-i cefâ-yı dehr ile mir'ât-ı dil degül / Câm-ı cihân-nümâ-yı Sikender şikest olur
5 Seng-i felâhan ursa eger dest-i rûzgâr / Kandîl-i âfitâb-ı münevver şikest olur
6 Şimşâd-ı hoş-hırâmına ol servün öykünüp / Reftâre gelse pây-ı sanavber şikest olur
7 Bâkî şikenc-i zülfi gamın yazmag istesem / Tâkat getürmez elde kalemler şikest olur
098 - La'lün katında kıymet-i gevher şikest olur
- Ayrıntılar
- Üst Kategori: Bâkî
- Kategori: Gazeller
- Görüntüleme: 71
- Vezin: Mef'ûlü Fâ'ilâtü Mefâ'îlün Fâ'ilün